PENSIÓN BAJAMAR
Ladrido s/n
Ortigueira
A Coruña 15339
bajamarladrido@gmail.com
981 408 063

STELLA MARIS


Imaxe tomada no peirao de Ladrido na que aparece esculpida a Virxe do Carme. Esta escultura foi donada no seu día -como ben nos apunta no seu comentario Anonimus- por Don Carlos Villasuso Casanova "Che Carlos", un nativo que certo día atopándose en perigo no mar pediulle á Virxe que o salvase e que se así o facía, donaría unha imaxe para Ladrido.
É moita a devoción que existe en España e en concreto en Galicia á Virxe do Carme, sobre todo nas vilas costeiras por ser ela a patroa dos mariñeiros, a que os guía e os protexe.
Todos os anos, a mediados do mes de setembro celebrase en Ladrido a festa na honra da Virxe da Saleta e da Virxe do Carme. En concreto, no domingo en que coincide a festa, todos os fieis reúnense en torno á imaxe da Virxe do Carme para celebrar unha misa cantada. É un grande acontecemento pois supón o rencontro de todos os veciños coa nosa alma verdadeira: os nosos olores, a nosa ribeira, o noso mar, as nosas conversas e tantas outras cousas.

No hay comentarios:

Publicar un comentario