É unha receita moi fácil de elaborar e moi sana.
Similar ao arroz tres delicias de toda a vida, de base oriental xaponesa, que case todo o mundo recoñece ao vela en foto. Nós tamén a recoñecemos porque aínda que non sexa unha receita propia da nosa cultura gastronómica, é moi habitual atopala precociñada e conxelada, pero claro, non sabe igual.
Ingredientes:
- Arroz basmati.
- Chícharos precociñados.
- 180 gr. de atún en conserva.
- ½ Pemento vermello.
- ½ Pemento verde.
- 1 cenoria fermosa.
- 2 dentes de allo
- Sal
- 1 cabaciño.
- 2 ovos.
Picamos as verduras en pedazos moi pequeniños. Desfacemos o atún en láminas.
Nunha tixela con un pouco de aceite de oliva sofritimos as verduras, comezando pola cenoria, continuando polos pementos, o cabaciño e os guisantes. Unha vez sofritidas engadimos o atún desfeito.
Na mesma tixela apartamos o producto anterior cara a un lado, deixando o outro libre.
Batimos os dous ovos e cociñámolos tipo revolto no espazo que nos queda libre da tixela ao tempo que o imos desfacendo e mesturando coas verduras.
Engadímoslle o arroz basmati cocido á mestura anterior.
Pódese comer sen ningún tipo de salsa -como nós o facemos- ou, para cinguirnos á receita xaponesa, regar o plato cun pouco de vinagre de arroz e salsa de soxa.
No hay comentarios:
Publicar un comentario