TIRAMISÚ

Despois de varios intentos fallidos, parece que esta será a versión definitiva do noso tiramisú, o postre típico veneciano que hai xa máis dunha década alcanzaba tanta sona no noso país.

Esta non é a versión quizás máis popular, aquela feita con varias capas de biscoito e crema, senón que optamos, como na receita orixinal, por poñer só unha capa de biscoito, regado con café e Licor Amaretto.

Por fin acadamos a textura e a cor que nos parecen as máis axeitadas. A textura quedounos con un toque mousse, na que as claras do ovo montadas a punto de neve lle aportan unha leve esponxosidade, que fai a crema máis agradable ao padal.

Unha vez máis, non creamos nada novo, pero si experimentamos o necesario como para que o resultado final sexa especial.