Tiñamos ganas xa de comer un bo bacallao.
Decidimos,
esta vez, facelo similar a como se estila por A Rioxa, con pemento choriceiro,
pemento morrón vermello e un pouco de tomate natural, deses que nos agasalla o
noso veciño cada ano por estas datas, porque agora é cando están na súa sazón.
Se o
desalgado do peixe é o axeitado, o resultado sempre quedará delicioso, porque o
bacallao medio cociñado, desmigado cun pouco de aceite de oliva por enriba e
uns pementos asados xa queda de vicio para acompañar unha torrada de pan.
O máis
complicado, para nós, é asar os pementos e quitarlles a pel, porque ao ter que
facelo en quente, as mans reséntense unha miguiña, pero nada máis.
A
salsa coas verduras pódese pasar por un chino, mellor ca batela, porque desta
maneira perdería a cor natural do pemento e do tomate. Nós preferimos servilo
así, de xeito rústico, para que as verduras fagan de gornición.
Esta
vez as patacas ímolas esquecer.
Un
viño tinto con denominación de orixe La Rioja marida á perfección, ou mesmo un
branco do país.
No hay comentarios:
Publicar un comentario