Por
azares da vida, tivemos a sorte de coñecer a unha parella de italianos
piamonteses asentados nestas terras desde hai algúns anos. Como eles sabían que
nós eramos amantes da gastronomía de calidade, convidáronnos a unha
aula-degustación de cociña italiana na súa magnífica casa recén restaurada. O
plan era cociñar entre todos e degustar ao final da sesión, de tal xeito que
puidésemos aprender algo da riquísima variedade da cociña deste país
mediterráneo. Nun principio propuxemos a elaboración duns espaguetis con pasta
caseira, pero a miña insistencia e devoción polos raviolis fixo que nos
decidísemos por esta opción máis complexa e laboriosa.
A
clase foi moi produtiva, pois quen nos aprendía era unha persoa indíxena do lugar
no que estes platos son a raíz do corpo. Cada novo chanzo na preparación, era
acompañado por unha historia diferente tirada da esencia mesma dos antergos
elaboradores, talmente como se estivesemos nunha viliña do norte de Italia,
participando dun serán glorioso e cargado de tradición. Mesmo no aspecto
lingüístico, a sesión foi moi interesante, pois o italiano convertiuse na
lingua propia daquel microcosmos asentado na cociña dun lugar moi preto de
aquí.
Vaia por diante o noso agradecemento pola agradable
acollida.
Facer
auténticos raviolis non é cousa fácil para principiantes na arte de cociñar.
Sobre todo, cómpre ter algúns coñecementos e práctica no labor de amasado,
moita paciencia, tempo e gañas de paladear un produto que aínda que se pode
mercar en supermercados, non alcanzan nin de lonxe o resultado dos feitos na
casa.
Para
elaborar raviolis de carne precisaremos os seguintes ingredientes:
-
200 gr. de carne asada de tenreira
e cocho.
-
Queixo parmesano.
-
Ovos.
-
Fariña de trigo.
-
Unha loncha fermosa de xamón
cocido.
-
Un puñado de espinacas (mesmo
conxeladas serven).
-
Manteiga.
-
Aceite de oliva virxe extra.
-
Noz moscada.
-
Sal.
Precisaremos
tamén unha máquina para aplanar a pasta (foliare), pois se o facemos á man
levaranos moito máis tempo e corremos o risco de que non quede suficientemente
delgada.
1º
paso: Elaboramos a masa: Poñemos nunha encimeira a fariña en forma de volcán e
enchemos o oco con ovos e unha culleradiña de sal fino. Por cada ovo
precisaremos catro culleradas de sopa ben completas de fariña de trigo. Con 6
ovos faremos abundantes raviolis para 3
persoas. Amasamos e cubrimos con aceite de oliva. Envolvemos en papel film
e gardamos na neveira durante, aproximadamente, 1 hora.
Formamos un volcán e engadimos os ovos no centro |
Formamos unha bola que cubrimos de aceite |
2º
paso: Elaboramos o recheo: Picamos, coa axuda dunha máquina trituradora, a
carne de tenreira e porco, engadimoslle o xamón e uns cadradiños (3 ou 4) de
queixo parmesano e as espinacas refogadas nunha noz de manteiga. Mesturamos cun
garfo todos os ingredientes engadíndolles un pouco de noz moscada en pó e un
ovo.
Picamos os ingredientes do recheo |
Mesturamos cun garfo os ingredientes |
3º
paso: Dámoslle forma á pasta. Partimos un pedaciño de masa e aplanámolo antes
de metelo na máquina aplanadora. A pasta debe quedar case transparente, para
que se desfagan na boca sen case necesidade de mastigar os raviolis.
Cubrimos o molde con fariña |
Dispoñemos as boliñas sobre a masa |
4º
paso: enchemos a pasta: Podemos utilizar un molde apropiado. O procedemento
consiste en facer boliñas pequenas e distribuílas cuadricularmente pola pasta
extendida na base. Cubriremos con outra saba de pasta e aplastaremos.
Posteriormente cortaremos os raviolis. Neste paso cobra maior importancia
impregnar pola parte exterior a masa con fariña pois doutro xeito poderá
pegarse.
Cortamos os raviolis. Tamén se pode facer cun coitelo |
5º
paso: Cocemos os raviolis: Poñemos auga abundante nunha pota e cando ferva
engadimos a pasta. 3 ou 4 minutos son suficientes para obter un resultado “al
dente”. Unha vez cocidos escurrímolos e volcámolos con cuidado nunha fonte.
6º
paso: Servímolos, cubríndoos con salsa da
carne asada reducida e con abundante queiso parmesano. Finalizamos cun pouco de
sal Maldon por enriba.
O resultado final é excelente. Desfanse na boca |
No hay comentarios:
Publicar un comentario