"Ante las setas existen dos clases de pueblos: los micófagos y los micófobos. Los primeros demuestran el interés que tienen por las setas porque están habitados por personas que las “cazan” y se las comen, las devoran, sin duda por ser la ingerencia una de las manifestaciones del amor verdadero. Los micófobos las repudian, no quieren ni oír hablar de ellas, en realidad, les tienen un miedo cerval. Considerada en conjunto, la península ibérica es un espacio micófobo, si se exceptúa nuestra área (Catalunya) y el País Vasco. La parte micófila es pequeña, como se deja ver y puede comprobarse en Portugal, país lleno de setas absolutamente comestibles, que nadie come, que es como si no existiesen, sentimiento que esconde un horror intuitivo. Se las comen sólo los naturales de nuestro país radicados en Portugal, que casi todos proceden de tierras gerundenses"
Josep Pla. El que
hem mengat.
Galicia, por tanto,
entra dentro da categoría de pobo micófobo. Non existe apenas tradición
micolóxica de longo percorrido. Nos últimos anos, xurdiron
algunhas asociacións interesadas por este produto, de amigos que se reúnen en
tempo de lecer para ir na procura de cogomelos, e pasar unha mañá agradable de
paseo polo monte, mentres os apañan. Nalgunhas vilas celébranse festas anuais
de fungos e cogomelos, pero están moi pouco arraigadas.
Podemos
atopar este produto nas cartas duns poucos restaurantes e nalgunhas casas de
turismo rural, elaborados por cociñeiros de formación profesional, como eu lles
chamo, pero nas casas particulares da xente de por aquí, nunca aparecen como
produto co que agasallar o veciño ou que ande na boca da xente. Un cogomelo,
para un adulto galego entrado en anos, é un produto que non chamaremos exótico,
pois poden verse nos montes, pero sí,
como o escritor catalán apunta, un produto malfadado que pode causar males
irreversibles. Por tanto, mellor será obvialos, directamente, ca entrar en coma
profundo por culpa dun destes minúsculos produtos da terra que non sabemos ben
se son animais ou vexetais e que non teñen clorofila.
Disque a
un home dunha aldea veciña, este día,
lle trouxeron un cesto cargado de cogomelos. A súa reacción, cando xa
estaba só, foi tiralos ao lixo, pero non os tirou como quen tira un papel vello
e inservible, senón que, primeiramente, pisounos, un a un e con forza, para que
ninguén puidese collelos, comelos, e consecuentemente, intoxicarse.
Este mito
case demoníaco atribuído aos cogomelos, por extensión do triunfo do mal sobre o
ben, -e porque o demo nunca dorme- non é capaz de traspasar o entendemento das
conciencias máis escépticas e por iso o cogomelo fica moi distante, aínda, de
universalizarse como produto estrela do outono gastronómico en Galicia.
Pero
como, finalmente, as cousas son como son, e todos sabemos que os cogomelos
constitúen verdadeiras delicias que a natureza nos ofrece, o raciocinio, o
interese cada vez maior no seu coñecemento e posterior divulgación no noso
ámbito territorial, fan que algúns, xente máis ben nova, se interese por
probar, elaborar e disfrutar das súas posibilidades culinarias.
Cando alguén
coma nós, que se cría nunha cultura na que a máxima expresión dun cogomelo é un
champiñón, mercado no supermercado máis cercano, resulta un tanto complicado
enfrontarse pola primeira vez á elaboración dun prato con calquera outra
especie micolóxica. As primeiras preguntas son moi evidentes: E isto cómese
así? Hai que limpalos? Como se limpan? Como se cortan estes sombreiros tan
grandes?
As nosas
investigacións particulares e sobreposición ao medo que algunhas novas nos
xornais e telexornais nos ofrecen, fan que nos atrevamos a mercar, moi de vez
en cando -porque tampouco temos onde facelo a cotío-, algunhas especies de
cogomelos comestibles que cada vez disfrutamos con maior ímpeto.
No hay comentarios:
Publicar un comentario