ALBÓNDIGAS EN SALSA

Gústanche as albóndigas, verdade?

Os diretivos dunha grande multinacional do moble decidiron incluílas no seu menú habitual, por tratarse dun prato recoñecible en todo o mundo. Estas non chegan a tantas partes, pero nada teñen que envexarlles, senón todo o contrario.

Estas non teñen unha forma esférica perfecta, pero tampouco se precisa. Son grandes de tamaño, a respecto das que se soen ver por aí, e iso fainas diferentes. A salsa é bastante lixeira, que nada ten a ver coas espesuras que detectamos, en xeral, polo que as fai bastante lixeiras, sen quedares sobrecargado ao rematar de comer tres ou catro unidades, que soen completar unha porción.

Están feitas con carne de tenreira galega e de porco e unha loncha de xamón. Posteriormente asadas con diferentes verduras en cociña bilbaína.

Non disputamos de bandeira que cravar nestes momentos, pero se che fai moita ilusión, podes mercar a do teu país para sentirte patriótico, ademáis de poñerlle unha pinga de romanticismo á túa sesión gastronómica.