PENSIÓN BAJAMAR
Ladrido s/n
Ortigueira
A Coruña 15339
bajamarladrido@gmail.com
981 408 063

BERENXENAS DE REVISTA

Sempre se aproveita, mentras se le o xornal ou calquera revista, para cazar algunha receita que poida ser de utilidade.
Habitualmente, só nos fixamos, pero case nunca elaboramos e pasamos folla.
Esta vez -creo que houbo outra ocasión hai xa 10 anos- decidimos recortar e gardar a receita.
Trátase dunha proposta de Martín Berasategui, o noso cociñeiro favorito, en XL Semanal, que aparece cada domingo con La Voz de Galicia.
Están realmente boas, son fáciles de facer e os ingredientes atópanse en calquera supermercado de confianza.
A autora da foto decide acompañalas con patacas. Neste país noso hai quen non sabe comer sen elas. Alá cadaquén.
Pensamos que empalagarían,... pero non!
Por tanto, quedan catalogadas e rexistradas non noso recetario particular.
.

TÁBOA VARIADA

Talvez non lles chame para nada a atención esta táboa variada. A nós si. Será que saímos o xusto a comer por aí. Na verdade, sorprendeunos cando nola puxeron diante. Estabamos afeitos a táboas de queixos e/ou embutidos, mais así con patés diferentes, espárragos, leituga era a primeira vez.
Esta táboa era media porción. Entre catro ben se come como aperitivo.
Como será a táboa completa. Quizás a mesa enteira cuberta.


TIRAMISÚ FLORENTINO

Un amigo meu que estivo estes días por Italia, envíame algunhas fotos de cousas que el consome por alí. Esta é dun restaurante florentino do que non lembro o nome, como Don Quixote.
Supoño que é a maneira máis común de presentar o tiramisú en Italia, ou pode que non sexan máis ca imaxinacións miñas e queira ver nesta imaxe un estereotipo.
En calquera caso, está apetecible. Non é?

ILLA DE SAN VICENTE E CABO ORTEGAL

Gústanos esta imaxe da illa de San Vicente, na entrada da Ría de Ortigueira e Ladrido, co Cabo Ortegal ao fondo. É preciosa así, no lusco e fusco, case en branco e negro.
Desde a nosa aldea poden tirarse fotos coma esta.